З 1 красавіка пачынаецца веснавая забарона на лоўлю рыбы. Такая забарона звязана з перыядам нерасту. Аднак забарона не татальная - рыбакі-аматары маюць права лавіць рыбу з дапамогай адной паплавочнай вуды з адным кручком ці аднаго спінінга ў светлы час сутак, і пры тым з берагу. Гэта значыць, што лоўля з чоўнаў забаронена. Таксама забаронена лавіць рыбу, стоячы ў вадзе - можна толькі з берагу.
Дагэтуль, на працягу ўсяго сакавіка была цалкам забаронена лоўля шчупака.
Такія абмежаванні па лоўлі рыбы будуць дзейнічаць да 30 мая.