!

Усё ішло да таго, што вясна 2007 мусіла стаць самай цёплай за ўсе апошнія гады метэаназіранняў. І сапраўды, больш цёплага сакавіка, чым сёлета - цяжка ўзгадаць. Ды і зіма надзвычай "лёгкай" была. Чаго толькі варты своеасаблівы рэкорд, які ўстанавіла прырода на Мядзельшчыне: возера Нарач цалкам замерзла толькі 29 студзеня. Але, зімовыя маразы яшчэ нагадаюць пра сябе - сёння, у ноч з 4 на 5 красавіка, на Мядзельшчыне чакаецца мароз да мінус 5°C. Метэаролагі папярэджваюць пра магчымыя замаразкі і ў наступныя суткі. Таму трэба быць пільнымі, асабліва аўтамабілістам, і не забыць апранацца цяплей - бо духата апошніх дзён прымусіла забыцца нас на слова "холад".
Відаць, сёлетні Вялікдзень будзе з маразочкам.