Аргкамітэт «Чарнобыльскага шляху», які пройдзе 26 красавіка ў беларускай сталіцы, распачынае збор кніг, цацак, вопраткі, аўдыё- і відэапрадукцыі, а таксама грошай для дзяцей з анкалагінымі захворваннямі.
Месцам збору рэчаў прызначаная мінская сядзіба Партыі БНФ - г.Мінск, вул.Варвашэні (зараз вул.Машэрава), 8. Адтуль іх накіруюць у Цэнтр дзіцячай анкалогіі ў Бараўляны, а таксама хворым дзеткам з горада Брагін Гомельскай вобласці.