9 траўня раніцай у вёсцы Лейцы Мядзельскага раёна, калгас "Слабадская зара", з'явіліся новыя ахвяры "вялікай Перамогі" - ... цяляты з мясцовай фермы. Мясцовыя работнікі так засвяткаваліся, што забылі пра іх. Бедныя жывёлы раўлі ад голаду колькі маглі (бачачы зялёную траву навокал), пакуль не пачалі ламаць агародджы загарадак. У выніку - уся маладая скаціна (350 галоў) разбрылася па навакольных палях ды кустах: бяры хто хочаш, вядзі куды хочаш.
А мясцовая вертыкаль, тым часам, рыхтуецца да афіцыйных цырымоній святкавання 9 мая. Так, мы краіна-пераможца. І над здаровым глуздам у тым ліку.