14 мая 1995 года на ганебным рэферэндуме (ганебным, бо быў праведзены з парушэннямі Канстытуцыі і Закона аб правядзенні рэферэндумаў), беларускія гістарычныя сімвалы "Пагоня" і бел-чырвона-белы сцяг былі заменены на сталінскія геральдычныя знакі - чырвона-зялёны сцяг і "пахавальны вянок". Беларусь адраклася ад сімвалаў, пад якімі яшчэ ў 13 стагоддзі ваявалі крывіцкія князі, а ў 1514 годзе змагаліся за волю Бацькаўшчыны беларусы на Крапівенскім полі. Замест іх у якасці дзяржаўных былі прызначаны сімвалы, што былі створаны ў 1951 г. для БССР па загаду сталінскага рэжыму. Верым, жыццё паставіць усё на сваё месцы. А месца лукашэнкаўскаму сцягу і гербу - на сметніках гісторыі.