Пэўны час славутасцю возера Нарач у нейкім сэнсе з’яўляўся спісаны са службы цеплаход. Прывезлі яго з поўдня Беларусі. Каб даставіць такую махіну, давялося абразаць лініі электраперадач над дарогай. І адвялі цеплаходу ролю забаўляльнай установы - кафэ-бар “На цеплаходзе”. Спачатку ён прычаліўся ля тургасцініцы “Нарач”, а потым перацягнулі бліжэй да цэнтра. І колькі ж пабачыў п’яных людцаў, мардабоеў і крутых разборак!

А вось сёлета, цеплаход не дажыў да курортнага сезону. Спісалі зусім. Парэзалі, расцягнулі на металалом. Кажуць, прагніў. Так вось і закончыў цеплаход свой век...
За 100 метраў ад месца, дзе стаяў цеплаход узводзяць кафэ на пантонах.