Анамальна цёплае надвор'е прывяло да рэзкага павелічэння колькасці няшчасных выпадкаў на вадаёмах Беларусі. Як паведамляе кіраўнік беларускага Таварыства выратавання на водах, толькі за мінулыя выхадныя - 26-27 траўня - колькасць утапіўшыхся па Беларусі перавышае тры дзесяткі чалавек. Але Мядзельшчына ў гэтым своеасаблівым "рэйтынгу" займае адно з апошніх месцаў: ад пачатку 2007 года не зафіксавана выпадкаў гібелі людзей на вадаёмах Нарачанскага рэгіёну. Пра гэта стала вядома ад работнікаў Мядзельскага аддзялення рэспубліканскага Таварыства выратавання на водах.