Група вернікаў з 24 чалавек (з іх палова дзяцей) з Мядзельскага Касцёла Маці Божай Шкаплернай аўтобуснай пілігрымкай наведалі 17 лістапада Менск. Яны наведалі месца жудасных сталінскіх злачынстваў - урочышча Курапаты. Гэтае святое месца зрабіла моцнае ўражанне на мядзельскіх вернікаў.

Потым вернікі пабывалі ў касцёле Святога Роха, што на Залатой Горцы. Удзельнічалі непасрэдна ў святой імшы ў Чырвоным Касцёле.Міністранты з Мядзела паслугавалі гэтым разам у Менску. Пасля наведалі Архікатэдральны касцёл Імя Найсвяцейшай Марыі Панны.
Затым паглядзелі ў Чырвоным Касцёле спектакль тэатра аднаго акцёра "Зніч" паводле А.Сэнт-Экзюпэры "Мой Маленькі прынц".
Дарэчы дарослы і дзіцячы Легіён Марыі, што існуе пры Мядзельскім касцёле, апякуецца дзіцячым сацыяльным прытулкам у Мядзеле. На гэты раз у пілігрымцы пабывалі чацвёра дзетак з прытулка.