У Мядзельскім раёне выбарчыя камісіі выканалі загад уладнай вертыкалі “ дастойна”! Выбары ў раёне адбыліся згодна прагнозных паказчыкаў.

Аднак, чамусьці, па стану на 9 гадзін раніцы 15 студзеня канкрэтныя лічбы па выніках галасавання за кандыдата ад партыі БНФ Зміцера Вінаградава невядомыя. Старшыня раённай выбарчай камісіі Леанід Берняковіч заявіў, што лічбаў не ведае, але ведае дакладна, што Вінаградаў прайграў і Данілевіч Таісе і Русаку Генадзю. Яшчэ вечарам, дзесьці каля 23 гадзін адна з членаў акруговай выбарчай камісіі па выбарах у абласны Савет заявіла Зміцеру Вінаградаву, што ён падчас выбарчай кампаніі зусім не працаваў, а толькі дзесьці выглядаваў з-за вугла і таму Данілевіч Таісія набрала ў 2 разы больш галасоў.
Той жа старшыня выбарчай камісіі Леанід Берняковіч сказаў, што дакладныя лічбы па выбарах магчыма стануць вядомыя ў 14 гадзін, калі прачнуцца адказныя за гэта людзі. Тады паўстае пытанне: “А для чаго ж тады старшыня выбарчай камісіі?” А раптам з Мінску пазвоніць нейкі адказны клерк і запытае нейкую канкрэтную лічбу? І што яму адкажа Леанід Берняковіч?