Калегія Мінскага абласнога суду пакінула ў сіле рашэнне суду Мядзельскага раёну аб высылцы з краіны пастара евангельскай царквы “Яна Прадвесніка” Яраслава Лукасіка.

Грамадзянін Польшчы Яраслаў Лукасік быў абвінавачаны ў дзейнасці “накіраванай на прычыненне шкоды нацыянальнай бяспецы Беларусі ў сферы рэлігійных стасункаў”.
Упраўленне міліцыі Мядзельскага раёну, на тэрыторыі якога пастар быў прапісаны, загадала яму да 7 чэрвеня пакінуць тэрыторыю Беларусі. Яму забаронена наведваць Беларусь цягам 5 гадоў. Спадар Лукасік, а таксама ягоная жонка Наталля і трое дзяцей, якія з'яўляюцца грамадзянамі Беларусі, выехалі ў Польшчу.
Наталля Лукасік лічыць, што сённяшняе судовае рашэнне было звычайнай фармальнасцю і было прынятае раней. “Пры гэтай уладзе майму мужу не дазволяць уехаць у Беларусь,” – лічыць спадарыня Лукасік.
Сям’я Лукасікаў збіраецца абскарджваць рашэнне ў судзе вышэйшай інстанцыі.