4 жніўня, сядзіба Партыі БНФ. На менскай абласной канферэнцыі Партыі БНФ адбылося аднаўленне абласной структуры Партыі БНФ. На канферэнцыі прысутнічалі прадстаўнікі з тых гарадоў менскай вобласці, дзе найбольш актыўна функцыянуе Партыя БНФ, – з Барысава, Слуцка, Маладэчна, Вілейкі, Салігорска, Мар’інай Горкі, Смалявічаў, Жодзіна, Мядзела, Лагойска. Перад прысутнымі выступілі лідэр Партыі БНФ Вінцук Вячорка і яго намеснікі Віктар Івашкевіч і Аляксей Янукевіч, якія распавялі пра сітуацыю ў краіне, актуальную дзейнасць Партыі БНФ і пра партыйнае будаўніцтва.

Была абраная абласная рада ў складзе 12 чалавек. Старшынём менскай абласной структуры быў абраны Зміцер Вінаградаў з Мядзела, а яго намеснікамі – Сяржук Салаш з Барысаву і Зміцер Шэвель з Лагойску.
“Першае, што я збіраюся зрабіць, - гэта аб’ехаць усе нашыя раёны, - заявіў новаабраны старшыня Зміцер Вінаградаў на паседжанні рады. – Трэба вызначыць рэальны патэнцыял Партыі БНФ у менскай вобласці для таго, каб пачынаць падрыхтоўку да Еўрапейскага маршу і выбараў 2008 году”.
“Мы аднавілі фронтаўскую структуру менскай вобласці, - сказаў лідэр Партыі БНФ Вінцук Вячорка. – Некалькі гадоў яна не працавала. Я задаволены кадравымі рашэннямі, якія прынятыя, таму што і старшыня, і намеснікі старшыні, і сакратар прадстаўляюць дзеяздольныя фронтаўскія арганізацыі. Бліжэйшай практычнай задачай будзе падрыхтоўка да Еўрапейскага маршу і да кампаніі 2008 году, да таго самага выбарчага фарсу, які мы хочам ператварыць у рэальныя выбары”.
Са Зміцерам Вінаградавым можна скантактавацца па маб. 314-93-45 і эл.пошце Этот e-mail защищен от спам-ботов. Для его просмотра в вашем браузере должна быть включена поддержка Java-script