Пасля пабудовы летняга амфітэатру, у Мядзелі частымі гасцямі сталі артысты беларускай эстрады. 25 ліпеня адбыўся канцэрт Аляксандра Саладухі і Вольгі Драздовай. У той дзень з надвор'ем не пашанцавала, час ад часу ішоў дождж. Саладуха і Драздова вымаклі - сцэна амфітэатру абсалютна не абаронена ад непагадзі.

7 жніўня адбыўся канцэрт легендарнага ансамблю "Песняры". На гэты раз з надвор'ем пашанцавала, але артысты выглядалі стомленымі: відаць з прычыны вялікага турнэ па краінах СНД. Па сведчанні прысутных, не хапала добра наладжанага гандлю, прыватнікаў увогуле не было.