Каля 20 перасоўных палатачных лагераў правялі гэтым летам школы Мядзельшчыны пры дапамозе Мядзельскай раённай базы юных турыстаў.
Па словах метадыста базы Людмілы Верабей, у іх удзельнічалі амаль усе школы раёна. Большасць маршрутаў пралягала па Нарачанскім краі. “Варта хадзіць, вывучаць сваю зямлю”, – лічыць Людміла Верабей. Супрацоўнікі базы юных турыстаў вядуць у школах турыстычна-краязнаўчыя гурткі, яны ж з’яўляліся кіраўнікамі перасоўных лагераў.