У жніўні да сваіх сяброў у Мядзела завітаў Юрый Жыгамонт, вядомы ў Беларусі па тэлеперадачы “Новыя падарожжы дылетанта”. На гэты раз ён прыехаў на колькі дзён адпачыць разам з дачушкай, бо некалі, падчас здымак перадачы пра Мядзел, Юрася вельмі ўразілі прыгажосцю нашыя азёрныя мясціны.

Адпачынак, як кажуць, удаўся! Тым больш, Юрась сумясціў прыемнае з карысным. Бо сумесна з сябрамі ўдалося сабраць неблагі матэрыял для будучых тэлеперадач. Пабывалі ў Камарове, Канстанцінаве, Альшэве, Кабыльніку, Дунілавічах і г.д. Шмат цікавых гісторый звязаных з родам Хамінскіх распавёў краязнаўца Яська Драўніцкі. Падчас гэтай сустрэчы ўдалося знайсці ў вёсцы Канстанцінава, што ля Свіры, магілу паўстанца Абдона Гурыновіча, брата нашага знакамітага паэта-земляка Адама Гурыновіча. І вельмі балюча на сэрцы зрабілася ад руінаў палаца ў вёсцы Альшэва!
Дарэчы, Юрыя Жыгамонта можна пабачыць не толькі ў папулярнай тэлеперадачы. Ён працуе акрамя таго, акцёрам у сталічным тэатры юнага гледача. Ставяцца там спектаклі і для дарослых, а 19 гадзіне.