Любое супадзенне з рэальнымі асобамі і падзеямі – выпадковасць.
У суботу 6 кастрычніка прыблізна каля 11-ай гадзіны вечара дзяжурны патруль міліцыі, Мядзельскае аддзяленне Дэпартамента “Аховы”, стаяў каля крамы “Юбілейная”. У гэты час побач з ім праходзіў Зміцер П. Cупрацоўнікі “Аховы”, западозрыўшы, што ён падобны “да няўлоўнага Мядзельскага апазіцыянера, які не дае спакойна жыць мясцовай міліцыі”, вырашылі адчуць сябе у ролі “крутых рэйнджэраў, альбо мядзельскіх Уокераў”. Без ніякіх тлумачэнняў, ніяк не прадставіўшыся, распачалі грубае затрыманне. Затрымлівалі як сапраўднагая злачынцу: рукі за галаву, абшукалі, кінулі ў машыну. Па дарозе "прэсавалі" рознымі зневажальнымі выразамі, завезлі ў пастарунак. І дзіву дацца, усе супрацоўнікі, што былі на службе, прыйшлі паглядзець на “прадстаўніка варожай апазіцыі”.
Юрыдычна, тое што адбывалася ў міліцэйскім кабінеце, можна назваць высвятленнем асобы, а фактычна то быў допыт. Вёў яго міліцыянт Сакалдынскі (сын старшыні аднаго з калгасаў Мядзельшчыны), а “дапамагаў” яму, то бок выказваў розныя абразлівыя выразы на адрас затрыманага (“крыса на корабле”, “предатель”, “ты попал головой в г*вно, а ноги остались наверху, в туалете”), міліцыянт Батракоў.

Гучалі два пытанні: “Сколько заплатили?” і “Кто снабдил продукцией?” (яўна намякаючы на сувязь са З.Вінаградавым).
Чуліся ўжо звыклыя для Беларусі пагрозы ў бок іншадумцаў: “Сошлём на Калыму” (а мо лепей у Варкуту?), “Сделаем открытый суд, покажем по телевизору и посадим на 3 года за попытку свержения действующей власи” (напэўна, яны мелі на ўвазе Мядзельскую раённую радыёсетку?), прагучала рэпліка пра “ячэйку Вінаградава”, пра тое, што гэты лідэр дэмакратычнага руху на Мядзельшчыне стаіць “косткай ў горле міліцыі” і што яго даўна варта “ўтапіць у воз. Рудакова” і т.д.
Быў забраны мабільны тэлефон “як рэчавы доказ, з мэтай праверкі ўсіх нумароў, з якімі затрыманы мае кантакт” і была перапісана ўся інфармацыя з яго.
Праводзіліся спробы схіліць затрыманага да супрацоўніцтва, гэта значыць ішла прамая вярбоўка з мэтай дазнання любой інфармацыі пра дэмактратычны рух Мядзельшчыны.
Затрыманы быў адпушчаны каля 3 гадзін ночы пасля складання пратакола аб адміністрацыйным правапарушэнні.

Сакалдынскага, Батракова і адважных “уокераў” з Мядзельскай “Аховы” – прэдставіць к звіздзе!

Працяг гэтай захапляльнай гісторыі чакайце ў бліжэйшых нумарах "народнай газеты Мядзельшчыны" - "Нарачанскай зары". Апошнім часам яна спецыялізуецца на выкрыванні бяздушных "дарослых бэнээфаўцаў", што ламаюць лёс бяздумным дзецям, падлеткам, юнакам...