7 кастрычніка ў Мядзелі быў затрыманы актывіст Руху “За Свабоду” Зміцер Падрэз. На юнака склалі пратакол адміністрацыйнага правапарушэння, адабралі мабільны тэлефон, налепкі “Еўрапейскі марш” і загадалі з’явіцца ў КДБ.

Міліцыянты спынілі Зміцера Падрэза каля дому бацькоў і запатрабавалі адкрыць сумку. Знайшоўшы там налепкі “Еўрапейскі марш”, актывіста даставілі ў Мядзельскі РАУС. У пастарунку на Зміцера склалі пратакол адміністрацыйнага правапарушэння і адабралі мабільны тэлефон.
Па словах актывіста, міліцыянты доўга распытвалі, дзе ён узяў налепкі і хто іх друкуе, а пасля загадалі ў другой палове дня прыйсці ў КДБ.
Зміцер адмовіўся адказваць на правакацыйныя пытанні і ісці ў КДБ без павесткі.