Як стала вядома з тэлефоннай размовы з Паўлам Севярынцам, сустаршынём аргкамітэта "Беларускай хрысціянскай дэмакратыі", затрыманых сёння днём у Будславе 13 актывістаў БХД і Маладога Фронту адпусцілі праз 3 гадзіны пасля затрымання. Сабраныя подпісы за адмену неканстытуцыйных змяненняў у законе "Аб свабодзе сумлення і рэлігійных арганізацый" (больш двух тысяч подпісаў) і ў абарону мінскага касцёла св.Язэпа, на базе якога кіраўніцтва гораду збіраецца пабудаваць забаўляльны комплекс (больш двух тысяч) былі вернуты. Міліцыя толькі канфіскавала "Веснік кампаніі па абароне права на свабоду сумлення".