Цэнтр духоўна-маральнага развіцця “Гармонія” адкрыўся 17 кастрычніка ў Мядзеле. Па словах спецыяліста аддзела адукацыі райвыканкама Святланы Кундры, гэта сумесны праект аддзела адукацыі і Праваслаўнай царквы.

Мэта стварэння цэнтра – духоўна-маральнае выхаванне дзяцей і моладзі на аснове праваслаўных традыцый. Усе жадаючыя могуць удзельнічаць у ім у мерапрыемствах, прысвечаных юбілейным датам беларускіх асветнікаў, праваслаўных святах, працоўных дэсантах, паходах, паездках па святых месцах.
У цэнтры будзе дзейнічаць бібліятэка, пункт сацыяльна-псіхалагічнай дапамогі і тэлефон даверу. Благачынны Мядзельскай акругі айцец Ігар Шалуха, які адрэстаўраваў для цэнтра стары будынак на вуліцы Шаранговіча, збіраецца за свае грошы арганізаваць у ім спартыўную секцыю па барацьбе і самаабароне.