На Вадохрышча ў цэнтры горада ў лунку возера Мястра першым у ледзяную ваду скокнуў айцец Віктар, за ім гэты абрад паўтарыла яшчэ больш за 50 чалавек.

Свята пачалося ў 13 гадзін у суботу 19 студзеня і доўжылася прыкладна да паловы трэцяй дня. Побач з лункай дзяжурыла медсястра і работнікі выратавальнай станцыі з насілкамі. Медыцынская дапамога нікому не спатрэбілася. У Мядзел, каб выкупацца ў лунцы, людзі ехалі з усяго раёна яшчэ і ў нядзелю, і панядзелак, расказаў матарыст-рулявы выратавальнай станцыі Аляксандр Дытко.