Уначы з 9 на 10 мая ў Парфенаве і Сітцах (Докшыцкі раён) сябры Аргкамітэту БХД расклеілі на аўтобусных прыпынках, калодзежах, крамах, раскідалі па паштовых скрынках улёткі з заклікам да забароны абортаў. На абодвух аўтобусных прыпынках у мястэчку Парфенава з’явіліся вялізныя плакаты, прысвечаныя той жа тэме. Але, мабыць, найбольш розгаласу сярод жыхароў нарабілі надпісы “Спынім спойванне нацыі” і “Хопіць піць!” на варотах мясцовага вінзавода, якія былі зроблены той жа ноччу.