Сёлетнія ўрачыстасці Маці Божай Будслаўскай прайшлі ў традыцыйным фармаце. Хіба, галоўная навінка - размяшчэнне сцэны фэсту не з боку былога аэрадрома, а з паблізу цэнтральнага ўваходу.
Ды вось было яшчэ адно значнае адрозненне сёлетняга фэсту ад мінулагодніх: кожны проста не мог не заўважыць той агромністай колькасці міліцыі. Прывезлі нават байцоў унутраных войск. У сувязі з гэтым узнікае лагічнае пытанне: а навошта тая міліцыя. Для якіх злодзеяў яна была падрыхтавана? Для наведнікаў фэсту з бел-чырвона-белымі сцягамі? Адным словам, наша ўлада і тут умудрылася наладзіць паляванне за іншадумцамі. Ды вось адна маленькая незадачка атрымліваецца: спалучэнне белага ды чырвонага колера традыцыйна не толькі для народнай беларускай культуры, але характэрна і для хрысціянства ўвогуле. Бела-чырвона-белае спалучэнне колераў - гэта сімвал пакут хрыстовых і сімвал збаўленчай сілы. Што тут казаць, калі нават у "прауладнага" Мітрапаліта Філарэта на ўбранні прысутнічаюць бела-чырвона-белыя стужкі...
Таму чакаем у наступных годзе на фэсце ў Будславе адданага байца прэзідэнта, падазраванага ў прычаснасці да знікнення вядомых палітыкаў Беларусі, Дзмітрыя Паўлючэнкі і яго бравых хлопцаў...