11 ліпеня ў в. Нарач адбыўся рок-канцэрт гуртоў Да!Бл... (Нарач) і Deti Indigo (Вялейка). Першапачаткова канцэрт быў запланаваны ў мясцовым СДК, але ў апошні момант, за 4 гадзіны да пачатку, дырэктар Нарацкага СДК спадарыня Смірнова адмовіла ў правядзенні канцэрта, спасылаючыся на дрэнную электраправодку. Хлопцы не разгубіліся і правялі канцэрт каля свайго рэпетыцыйнага памяшкання на вуліцы. Канцэрт атрымаўся вельмі добрым, гледачы прыехалі з Мядзела, Вялейкі, к.п. Нарач і суседніх вёсак.