Зміцер Вінаградаў, патэнцыйны кандыдат ад Аб’яднаных дэмакратычных сіл у дэпутаты Палаты прадстаўнікоў, знаходзіўся 24 ліпеня ў Мядзельскім РАУС да 7 гадзін вечару. Яго затрымалі ў той жа дзень, калі ён ехаў на ўласнай машыне ў Вілейку, дзе знаходзіцца акруговая выбарчая камісія. Міліцыянты сказалі, што машына нібыта знаходзіцца ва ўгоне і патрэбна ўсё высветліць.

Спадар Вінаградаў сказаў па тэлефоне: “Я ўпэўнены, што мяне затрымалі наўмысна. Справа ў тым, што я вёз у акруговую камісію спіс сваёй ініцыятыўнай групы. Я мушу здаць яго да 19 гадзіны. А мяне затрымалі, каб я спазніўся”.
На наша пытанне, чаму ён адклаў падачу дакументаў на самы апошні дзень, Зміцер Вінаградаў адказаў:
“Я своечасова ўсё зрабіў. Але на аднаго сябра маёй групы зрабілі моцны ціск, і ён адмовіўся ад працы ў групе. Таму я вымушаны быў зрабіць новы спіс”.