24 ліпеня у 14.30 адбылося паседжанне Вілейскай акруговай выбарчай камісіі №64. У камісію былі пададзены 4 заявы на рэгістрацыю ініцыятыўных груп кандыдатаў у дэпутаты: Спільнічэнка, Анікеенка, Аўстраленка, Вінаградаў.

На паседжанні камісіі намеснік старшыні Шыкаліна - супрацоўнік Мядзельскага райвыканкаму, прывезла заяву ад Аўстраленкі на зняццё яго кандыдатуры. Таксама Шыкаліна прывезла заяву ад сябра ініцыятыўнай групы Зміцера Вінаградава спадара Адамовіча з в.Выглавічы. У заяве зазначалася наступнае (цытата): "меня включили без моего ведома". На падставе гэтай заявы група Зміцера Вінаградава - прадстаўніка АДС, не зарэгістравалі з-за пярэчання выбарчаму заканадаўству. Такім чынам былі зарэгістраваны дзве ініцыятыўныя групы кандыдатаў у дэпутаты - дырэктара ТМА Спільнічэнка (19 чалавек) і дзеючага дэпутата ПП НС Анікеенка (34 чалавекі).
Кіраўнік штабу і ініцыятыўнай групы Зміцера Вінаградава Віталь Ананька сцвярджае, што спадар Адамовіч напісаў гэтую заяву пад ціскам мясцовай вертыкалі.