Сёлета 4 мільярды рублёў (гэта менш за 1,5 мільёна еўра), згодна з Дзяржаўнай інвестыцыйнай праграмай, будуць выдаткаваны на экалагічнае аздараўленне возера Нарач.

Мерапрыемствы па добраўпарадкаванні беларускай здраўніцы вядуцца з 2005 года. Мяркуецца, што да 2008 года курорт стане сапраўды запатрабаваны турыстамі.
Да гэтага часу тут будуць створаны лепшыя ўмовы для адпачынку і аздараўлення. На абсталяванне Нарачанскіх экалагічных сцежак выдаткавана 65 мільёнаў рублёў.
Да новага сезону працягнецца добраўпарадкаванне і 17 турыстычных стаянак, дзе за пэўную плату можна расстаўляць намёты і адпачываць, не наносячы шкоды экалогіі. Летась такі шанец выкарысталі 11 тысяч турыстаў.
Таксама плануецца рэканструяваць 13 санаторыяў і Дамоў адпачынку. Не застанецца без увагі і пасёлак Нарач, паведамляе Першы канал.
Для параўнання: у беларускай суседцы Літве на развіццё вядомага курортнага рэгіёна Друскінінкая выдзяляюцца дзесяткі(!) мільёўнаў еўра штогод. То сродкі з розных крыніц, але ў асноўным інвестыцыі Еўрапейскага саюза. Беларусі пакуль далёка да такіх укладанняў у развіцця нацыянальных багаццяў...