Сёння 14 снежня - апошні дзень рэгістрацыі кандыдатаў у дэпутаты мясцовых саветаў. Нагадаем, выбары мусяць адбыцца праз месяц, 14 студзеня 2007 года. І сёння фактычна распачалася агітацыйная кампанія.

Кандыдатам у дэпутаты ў Мядзельскі раённы Савет па Камуністычнай акрузе №7 і ў Мінскі абласны Савет па Мядзельскай акрузе №1 шляхам збору подпісаў зарэгістраваны незалежны кандыдат Зміцер Вінаградаў. Ад працоўнага калектыву кандыдатам у раённы Савет па Камуністычнай акрузе вылучаны галоўны ўрач Мядзельскай паліклінікі Генадзь Русак. У абласны ж Савет шляхам вылучэння ад працоўнага калектыву зарэгістраваная Таісія Данілевіч, кіраўнік упраўлення адукцыі Мінаблвыканкама.
Падрабязнасці пазней.