21 лютага ва ўсім свеце адзначаецца як Дзень роднай мовы (International mother language day). Таму заклікаем Вас адзначыць гэты дзень размовай на беларускай мове, чытаннем беларускамоўных кніг, газетаў. Хай сённяшні дзень стане тым днём, з якога Вы пачнеце актыўна карыстацца матчынай мовай у сваім жыцці.
Да гонару Беларусі варта адзначыць, што згодна апошняму перапісу, праведзенаму ў 1999 годзе, беларускую як родную прызналі 74,5 адсоткаў грамадзян Беларусі, акрамя гэтага блізу 40 адсоткаў жыхароў Беларусі адзначылі, што размаўляюць дома, у сям'і па-беларуску. Застаецца толькі чакаць, каб беларуская мова выйшла з кватэраў, з хат на "шырокі прастор", у грамадскае, палітычнае, культурнае жыццё Беларусі.
"Не пакідайце ж мовы сваёй, каб не ўмёрлі!.." - запавет класіка Францішка Багушэвіча нам, сучасным беларусам.