Гэтымі днямі яшчэ ў трох раёнах Беларусі аб’яўлена эпідэмія грыпу. Гэта Шаркоўшчынскі раён Віцебскай вобласці, Пухавіцкі і Стаўбцоўскі раёны Мінскай вобласці.
За ўчорашні дзень эпідэмія ахапіла 22 адміністрацыйныя тэрыторыі краіны.
Акрамя згаданых, гэта — Наваполацк, Гомель, Мазыр, Рэчыца, Мінск, Маладзечна, Барысаў, Магілёў, а таксама Івацэвіцкі, Светлагорскі, Добрушскі, Рэчыцкі, Веткаўскі, Калінкавіцкі, Маладзечанскі, Мазырскі, Барысаўскі, Валожынскі і Касцюковіцкі раёны.
У гэтых рэгіёнах вынесены пастанаўленні галоўных санітарных лекараў пра ўзмацненне мерапрыемстваў па барацьбе з грыпам і іншымі рэспіратарнымі інфекцыямі.
Наш рэгіён, дзякуй Богу, пакуль што не аб'яўлены зонай эпідэміі. Так трымаць!
Адзінае - хіба школьнікам такая навіна не ў радасць: дадатковых канікул у бліжэйшы час не прадбачыцца.