У мінулыя выходныя, пад Маладзечнам, адбылася важная сустрэча актывістаў дэмакратычнага руху маладзечанскага рэгіёну ці так званага віленскага краю. У ёй прынялі ўдзел і прадстаўнікі Мядзельшчыны (беспартыйныя і сябры партыі БНФ). А сустрэчу ладзіла супольнасць “За Маладэчна”.

Асноўная мэта сустрэчы – аб’яднанне дэмакратычных сіл Маладзечна, Вілейкі, Мядзела, Валожына і Смаргоні для супольнай працы. Прысутнічаў намеснік партыі БНФ Алесь Міхалевіч.
Абмеркавалі вынікі кампаніі мясцовых выбараў. Прыняты адпаведныя рашэнні па выданню агульнага друкаванага органа, стварэнню інтэрнэт-старонкі і распрацоўкі каналаў сувязі.
Актывісты выказалі меркаванні аб немэтазгоднасці правядзення бліжайшым часам Кангрэса дэмакратычных сілаў, падтрымалі рух Аляксандра Мілінкевіча “За свабоду” і дамовіліся аб святкаванні Дня Волі 25 сакавіка.