Беларусы, асабліва пры цяперашняй уладзе, вельмі любяць выхваляцца ўсім чым. І прадукцыю выпускаем такую, што няма аналагаў у свеце, і дэмакратыя ў нас “зашыбісь”. Асабліва пражужжалі ўсе вушы хвальбой трактара “Беларус”.

Але чамусьці нядаўна у гаспадаркі Мядзельскага раёна пастаўлена сем трактароў “FENDT-930” нямецкай вытворчасці. Першымі ў раёне выпрабавалі гэтую тэхніку ў СВК “Занарачанскі”. У механізатара Івана Сурвілы ўражанні ад “немца” самыя лепшыя. Так што не толькі беларусы ўмеюць рабіць трактары.
Напэўна дарэчы будзе ўзгадаць, што апошнім часам жыхары Мядзельшчыны ўсё больш звяртаюць увагу на прадукцыю нашых суседзяў: халадзільнікі і пліты газавыя з Украіны і Расіі, пральныя машыны з Расіі і г.д. Кажуць, што выйграеш не толькі ў кошце, але і ў якасці.
Так што, браткі-беларусы, выхваляцца напэўна не варта!