Сёння, 2 лістапада, дзень, калі беларусы паміналі сваіх продкаў - Дзядоў.
Паміналі ўсіх, незалежна ад месца пахавання. Зазвычай у гэты дзень гатавалі святочную вячэру, якая складалася з няцотнай колькасці страў (не менш 5) у разліку, каб не пакрыўдзіць продкаў, гэта значыць на стол ставіліся стравы і для памершых: лічылася, што ў гэты вечар Дзяды заходзілі ў госці, частаваліся (а продкаў у нас моцна шанавалі). За сталом прынята было весці размову толькі пра дзядоў, іх жыццё, парады, мудрасць. Пачыналі размову пра самага старэйшага і вядомага продка, а сканчвалі пра нядаўна памерлага. Сама цікава, што гэты дзень не лічыўся жалобным, бо кожны разумеў, што смерць - непазбежнае і з гэтай прычыны не варта журыцца.

Галоўнае - ведаць і памятаць сваіх продкаў. А ганарыцца было і ёсць кім!

Да 1995 году 2 лістапада быў дзяржаўным святам у Беларусі. Пазней, узамен гэтага дня пачалі адзначаць 7 лістапада - Дзень бальшавіцкага перавароту. Як той казаў "кожнаму сваё".

Не забывайцеся на Дзядоў!