Пад такім загалоўкам была змешчана інфармацыя на сайце прэс-службы АГП 27 снежня пра новыя допыты КДБ. Паведамленне датычыцца мядзельскіх дэмакратаў Андрэя Абалевіча і Андрэя Якушонка.

Па сцверджанні Андрэя Абалевіча, ён быў затрыманы ўвечары 23 снежня на мінскім чыгуначным вакзале супрацоўнікамі КДБ нібыта для праверкі дакументаў. У той дзень Андрэй вяртаўся з Польшчы, дзе "працаваў два месяцы ў межах падтрымкі рэпрэсіраваных беларусаў".
Днём раней, у мядзельскі аддзел КДБ быў выкліканы Андрэй Якушонак. Мэтай таго допыту стала "высвятленне абставінаў двухмесячнай стажыроўкі Андрэя Якушонка ў адным з чэшскіх універсітэтаў". Ад супрацоўнікаў КДБ стала вядома, што з нядаўняга часу нібыта існуе негалосная інструкцыя выклікаць на допыты ўсіх, хто пабываў за мяжой цягам апошніх месяцаў.
Мо то больш падобна да параноі? Але ж варта адзначыць, што КДБ не пачало, а даўна ўжо працягвае паляванне на ўсіх, хто паспеў як-кольвек засведчыць сваю грамадска-палітычную пазіцыю, што ідзе ў разрэз з існуючым ладам у Беларусі.
Магчыма падрабязнасці гэтых здарэнняў паведамім крыху пазней. Але пакуль з Андрэем Абалевічам (ён ужо зноў за мяжой) і Андрэем Якушонкам скантактавацца не ўдалося.