Днямі каля вёскі Дзягілі Мядзельскага раёну, на аўтадарозе Лепель-Мядзел, інспектары дзяржаўтаінспекцыі затрымалі мясцовага жыхара, які перавозіў 150 літраў самагону.
Зараз рыхтуецца спецаперацыя па пошуку падпольнага завода.

Па словах начальніка Мядзельскай ДАІ Андрэя Чарняўскага, гэтага ж самага чалавека затрымлівалі ўсяго тыдзень таму. Тады ў багажніку яго аўтамабіля інспектары знайшлі 140 літраў самаробнага алкаголю.
Самагон знішчылі, а затрыманы вымушаны быў заплаціць штраф у памеры 930 тысяч рублёў. Гэтым разам яго чакае тое ж самае, з улікам таго, што памер штрафу вырасце ўдвая.
Зараз праваахоўныя органы збіраюцца наладзіць «зачыстку» лесу, дзе, паводле аператыўных звестак, можа знаходзіцца падпольны самагонны завод.