Прадстаўнікі парламенцкай структуры «Цэнтральная еўрапейская ініцыятыва» наведалі 7 чэрвеня Вілейку і Мядзельскі раён.
Намеснік старшыні Вілейскага райвыканкама Генадзь Касцевіч паведаміў у інтэрв’ю «РГ», што ў праграме візіту – знаёмства з работай вілейскай міні-ТЭЦ на мясцовых відах паліва і ветравых установак у вёсцы Занарач Мядзельскага раёна. У дэлегацыі, акрамя беларускіх парламентарыяў, – прадстаўнікі з Балгарыі, Босніі і Герцагавіны, Iталіі, Македоніі, Малдовы, Румыніі, Украіны і Чэхіі.